İqtisadi İnkişaf Nazirliyi xəbərdarlıq edir

İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən Bakı şəhəri, Xəzər rayonu, Şüvəlan qəsəbəsi, 8 mart küçəsi, ev 14 ünvanında Əlibala Əlizadəyə məxsus istehsalat sexində aparılan yoxlama oradakı dondurmanın yararsız olduğunu aşkar edib. Zay dondurmaların məhvi üçün sahibkara onların məhv edilməsi göstərişi verilib.
Nazirliyin mətbuat xidmətindən Simsar.az-a verilən məlumata görə, Əlibala Əlizadə göstərişlərə əməl etməyib. Bunu nəzərə alan İqtisadi İnkişaf Nazirliyi tərəfindən müvafiq orqanlar - Səhiyyə Nazirliyi və Standartlaşdırma, Metrologiya və Patent üzrə Dövlət Komitəsi qarşısında məsələ qaldırıb.
Nazirlik əhalini də xəbardar edir ki, Əlibala Əlizadənin istehsal etdiyi dondurmaları almasınlar. Amma həmin şəxsin bazara çıxardığı dondurmaların adı barədə heç bir məlumat verilmir.
RAMİL