Obama Əsədsiz Suriya arzulayır
"Hazırkı lideri Bəşər Əsəd olmasa Suriyanın vəziyyəti daha yaxşı ola bilər". ABŞ prezidenti Barak Obama bu fikirdədir.
Obama Suriya liderini dinc nümayişçilərə divan tutmaqda günahlandırıb.
Bu arada Suriya hərbi qüvvələri hökumət əleyhinə çıxışları yatırmaq üçün ölkənin şimal-şərqindəki bir sıra yaşayış məntəqələrinə daxil olublar.
ABŞ Suriyaya qarşı yeni sanksiyaların tətbiq olunduğunu elan edib. Sanksiyalar Commercial Bank of Syria və Syriatel telekommunikasiya şirkətinə qarşı tətbiq olunub.
Bu təşkilatlar «Bəşər Əsəd rejiminin hüquqa zidd əməllər törətməsinə dəstək verdikləri üçün» cəzalanıblar.
Artıq bu şirkətlərin ABŞ-dakı hesabları dondurulacaq, ABŞ vətəndaşları və şirkətlərinə onlarla iş görmək qadağan olunacaq.
ABŞ artıq Suriya prezidenti Bəşər Əsədə və onun yaxınlarına qarşı sanksiya tətbiq edib.