O, səhhətində problem olduğu üçün istefaya getdiyini deyib
Suriyanın keçmiş müdafiə naziri Əli Həbib öldüyü barədə yayılmış məlumatları təkzib edib. Suriya dövlət televiziyası ilə çıxış edən Həbib sağlamlığı ilə problemlər olduğunu, lakin hələ də Suriya ordusunun sədaqətli əsgəri olduğunu bəyan edib.
Həbibin sözlərinə görə, onun öldüyü barədə xəbərləri Suriyanın düşmənləri yayır. Həbibin çıxışının videogörüntüsü YouTube-da yayılıb.
72 yaşlı Əli Həbibin ölməsi barədə xəbərlər avqustun 9-da yayılmışdı. Avqustun 8-də vəzifəsindən kənarlaşdırılan Həbibin yerini Davud Raca tutub.