İranda işsiz gənclərə ayda 300 dollar məbləğində vəsait veriləcək
İran parlamentinin İctimai komissiyasında gənclərin sığortası ilə bağlı yeni layihə təsdiq olunub. Həmin layihə iş axtaran gənclərlə bağlıdır və onlara ayda 300 dollar məbləğində vəsaitin verilməsini nəzərdə tutur. Bu barədə İran parlamentinin İctimai komissiyasının sədri Hadi Müqəddəsi deyib.
Komissiya sədri əlavə edib ki, layihənin bir neçə üstünlüyü var. İlk növbədə, ölkədə işsiz gənclərin dəqiq statistikası müəyyənləşəcək, digər tərəfdən layihənin icrası gənclərə arxayınlıqla ixtisasları üzrə iş axtarıb tapmağa zəmin yaradacaq. Eyni zamanda, gənclərin sosial problemlərinin həllinə təsir edəcək.
"Layihəyə əsasən, həmin məbləğ iş axtaran gəncə 2 il müddətində aylıq maaş formasında veriləcək və gənc iş tapdıqdan sonra 50 ay müddətində aldığı pulu dövlətə geri qaytaracaq", - Müqəddəsi deyib.
İran Statistika Mərkəzinin ötən ilin yazında açıqladığı sonuncu statistikada ölkədəki işsizliyin səviyyəsi 14,6 faiz təşkil edir, lakin bəzi ekspertlər hesab edir ki, ölkədə işsizliyin səviyyəsi 30 faiz dən artıqdır. İranın 20 illik (2005-2025) inkişf planında göstərilir ki, ölkədə işsizliyin səviyyəsinin aşağı salınması üçün illik iqtisadi inkişaf minimum 8 faiz olmalıdır.1997-2005 illərdə Məhəmməd Xatəminin prezidentlik dövründə orta hesabla illik 5 faiz iqtisadi inkişafla ildə 600 min yeni iş yeri yaradılıb. İran Prezidenti Mahmud Əhmədinejad isə bir neçə ay öncə bildirmişdi ki, son bir ildə ölkədə 1,6 milyon yeni iş yeri açılıb, cari ildə (İranda il martın 21-də dəyişir) isə 2,5 milyon yeni iş yeri açılacaq.
Aybəniz Haşımova Emin Əmrullayevə təşəkkür etdi
Silahlı Qüvvələr gününə həsr olunmuş Braziliya Ciu-Citsu üzrə Açıq Bakı turniri keçirilib
Azərbaycanlı şagirdlər ABŞ - dan medallarla döndülər_thumb.jpg)
Aybəniz Haşımova və Sənət Akademiyası Qurtuluş Günü ilə bağlı Aktau şəhərində konsert verib
.jpg)
