Baş nazir Dominikalı həmkarının səfərinin ikitərəfli münasibətlərə töhfə verəcəyini vurğulayıb
Azərbaycan Respublikasında rəsmi səfərdə olan Dominika Birliyinin Baş naziri Ruzvelt Skerrit Baş nazir Artur Rasizadə ilə görüşüb. Bakıya səfərinin qarşılıqlı münasibətlərin inkişafına təkan verəcəyinə əminliyini söyləyən Ruzvelt Skerrit, iki dövlət arasında münasibətlərin inkişafı üçün böyük potensialın mövcud olduğunu bildirib.
Qonağı ölkəmizdə görməkdən məmnunluğunu ifadə edən Baş nazir Artur Rasizadə Dominika Birliyinin Baş nazirinin bu səfərinin ikitərəfli münasibətlərə töhfə verəcəyini vurğulayıb.
Görüşdə ölkələrimiz arasında ikitərəfli iqtisadi münasibətlər və tərəfləri maraqlandıran məsələlər müzakirə edilib.