İlham Əliyev müqəddəs Ramazan ayı münasibətilə müsəlman ölkələrinin səfirlərini qəbul edib
“AzərTAC”ın yaydığı məlumata görə, müqəddəs Ramazan ayı münasibətilə görüş iştirakçılarına xoş arzularını bildirən dövlət başçısı onlardan səmimi salamlarını və təbriklərini təmsil etdikləri ölkələrin dövlət və hökumət başçılarına çatdırmağı xahiş edib. Ramazan ayının dünyada yaşayan bütün müsəlmanların birliyini təcəssüm etdirdiyini vurğulayan prezident İlham Əliyev islam ölkələri arasında dostluq və qardaşlıq münasibətlərinin, islam həmrəyliyinin daha da möhkəmləndirilməsinin vacibliyini söyləyib. Azərbaycan ilə islam ölkələri arasında ikitərəfli və beynəlxalq səviyyədə uğurlu əməkdaşlıqdan danışan prezident İlham Əliyev ölkəmizin islam həmrəyliyinə layiqli töhfələr verdiyini bildirib.
Dağlıq Qarabağ münaqişəsinə toxunan prezident İlham Əliyev problemin nizama salınması ilə bağlı islam ölkələrinin ədalətli mövqe nümayiş etdirdiklərini də deyib. Qarşıdan gələn müqəddəs Ramazan bayramı münasibətilə təmsil etdikləri ölkələrə sülh və firavanlıq arzulayan prezident İlham Əliyev bir daha görüş iştirakçılarına xoş arzularını çatdırıb.
Özbəkistanın səfiri İsmatilla Yerqaşev müsəlman ölkələrinin Azərbaycandakı səfirləri və diplomatik nümayəndəliklərinin rəhbərləri adından Ramazan ayı münasibətilə prezident İlham Əliyevi və xalqımızı təbrik edib, sülh və firavanlıq arzulayıb. Diplomat müqəddəs Ramazan ayı münasibətilə dövlətimizin başçısı ilə görüşün ənənəvi xarakter almasının əhəmiyyətini vurğulayıb.
Görüşdən sonra xatirə şəkli çəkdiriib.
Aybəniz Haşımova Emin Əmrullayevə təşəkkür etdi
Silahlı Qüvvələr gününə həsr olunmuş Braziliya Ciu-Citsu üzrə Açıq Bakı turniri keçirilib
Azərbaycanlı şagirdlər ABŞ - dan medallarla döndülər_thumb.jpg)
Aybəniz Haşımova və Sənət Akademiyası Qurtuluş Günü ilə bağlı Aktau şəhərində konsert verib
.jpg)
