Ukraynanın keçmiş baş nazirinin məhkəmə işi bu gün də davam edir
Kiyev məhkəməsi keçmiş baş nazir Yuliya Timoşenkonun həbsini təxirə salmaqdan imtina edib. Yuliya Timoşenkonun müdafiəçiləri keçmiş baş nazirin həbsinin təxirə salınmasını və haqqında qəti-imkan tədbirinin görülməsini xahiş etmişdilər. Məhkəmə iclası səhər saat 10:00-a təyin olunsa da, Yuliya Timoşenkonu gətirən maşın Peçersk məhkəməsinin həyətinə artıq saat 6:00-da gəlib. Keçmiş baş nazirlə bərabər eyni maşında keçmiş daxili işlər naziri Yuri Luçenko da məhkəməyə gətirilib. Onun işi ilə bağlı məhkəmə iclası Kiyev vaxtı ilə 9:30-da başlayıb.
Peçersk məhkəməsinin qarşısında ümumilikdə vəziyyət sakit olub. Burada ictimai asayişi 1000-dək xüsusi təyinatlı qoruyur. Məhkəməyə aparan bütün çıxışlar metal kordonlarla bağlanıb. Məhkəmə zalında video və foto-çəkiliş qadağan olunub. Yuliya Timoşenkonun "Batkivşina" partiyası ilə yanaşı, digər müxalifətyönümlü partiyaların nümayəndələri də binanın qarşısına axışıb. Burada Timoşenkonun əleyhdarları da toplaşıb. "Ukraynanın İctimai Birliyi" partiyası hakim Kireyevin fəaliyyətini alqışlayır.
Bu gün məhkəmədə vəzifə səlahiyyətlərindən sui-istifadədə və 2009-cu ildə Rusiya ilə qaz müqaviləsi imzalayaraq Ukraynaya ziyan vurmaqda ittiham olunan Yuliya Timoşenkonun işi ilə bağlı şahidlərin dindirilməsi davam edəcək. Yuliya Timoşenkonun blokundan olan deputatlar isə hazırda tətildə olan Ali Radanın növbədənkənar iclasının keçirilməsinə dair səs toplamağa başlayıblar.
Aybəniz Haşımova Emin Əmrullayevə təşəkkür etdi
Silahlı Qüvvələr gününə həsr olunmuş Braziliya Ciu-Citsu üzrə Açıq Bakı turniri keçirilib
Azərbaycanlı şagirdlər ABŞ - dan medallarla döndülər_thumb.jpg)
Aybəniz Haşımova və Sənət Akademiyası Qurtuluş Günü ilə bağlı Aktau şəhərində konsert verib
.jpg)
