Həftəsonu yağan leysan yolun bir hissəsində torpaq sürüşməsinə yol açıb
Həftəsonu Lerik rayonunda yağan güclü yağış selə səbəb olub. Lerik rayon Fövqaladə Hallar Komissiyasının sədri Habil Məlikovun verdiyi məlumata görə, yağış avqustun 6-dan yağmağa başlayıb. Yağan yağış intensiv olaraq hazırdada davam edir. Sel nəticəsində Lerik-Lənkəran yolunun 56-cı kilometrliyi dağılıb. Yolun üst tərəfində torpaq sürüşməsi baş verib.
“Hazırda İcra Hakimiyyətinin və 43 saylı Yol İstismar İdarəsinin əməkdaşları yolu təmir edirlər. Düzü gözləmirdik ki, avqustun əvvəllərində belə güclü yağış yağar. Ona görə də, hazırlıqsız idik”, - deyə Habil Məlikov vurğulayıb.
Onun sözlərinə görə, hazırda yaranan problemlər qismən də olsa aradan qaldırılır. Yolun bir hissəsi avtomobilin hərəkəti üçün düzəldilib. Lakin yağışın hələ də yağması nəticəsində selin daha da güclənəcəyi gözlənilir. Bu səbəbdən rayon İcra Hakimiyyəti yolun tamam dağılmasının qarşısını almaq üçün Nəqliyyat Nazirliyinə kömək üçün müraciət edib.
Qeyd edək ki, sel nəticəsində evlərə elə də ciddi ziyan dəyməyib. Rayonda heç bir kommunal problemlər yaranmayıb.
ANS
Aybəniz Haşımova Emin Əmrullayevə təşəkkür etdi
Silahlı Qüvvələr gününə həsr olunmuş Braziliya Ciu-Citsu üzrə Açıq Bakı turniri keçirilib
Azərbaycanlı şagirdlər ABŞ - dan medallarla döndülər_thumb.jpg)
Aybəniz Haşımova və Sənət Akademiyası Qurtuluş Günü ilə bağlı Aktau şəhərində konsert verib
.jpg)
