"Mən istəmirəm ki, burdakı adamlar həbsdə otursun"
İyulun 29-da Səbail rayon Məhkəməsində 2 aprel aksiyası zamanı həbs olunmuş altı nəfərin (Sahib Kərimov, Arif Alışlı, Elnur İsrafilov, Babək Həsənov, Zülfüqar Eyvazov və Elşən Həsənovun) məhkəməsi davam edir.
Məhkəmədə zərərçəkən – 2 aprel aksiyası zamanı idarə etdiyi avtobusa 1325 manat ziyan dəydiyi iddia olunan Sarvan Məhərrəmov ifadə verib.
Sürücü avtobusun şüşələrini zalda oturan müttəhimlərin sındırmadığını bildirib.
Vəkillərin tələbi ilə Sarvan Məhərrəmovun ifadəsi oxunub. O, ifadəsində şüşə sındıranların üzlərini gördüyünü deyib. əlamətlərini sadalasa da, məhkəmə zalında avtobusa kimin ziyan vurması haqda vəkillərin suallarını konkret cavablandıra bilməyib. Sürücü bunu onunla izah edib ki, aksiya zamanı adam çox olub, o kimin xətər yetirdiyini görməyib.
Sarvan Məhərrəmov baş verənlərə görə polisi də günahlandırıb:
«Avtobusa yüzlərlə yumruq, təpik dəyib. Mən heç kimi görə bilmədim. Məni ora polis aparmışdı. Mən istəmirəm ki, burdakı adamlar həbsdə otursun. Mən istəyirəm ki, maşınım təmir olunsun».
Məhkəmə davam edir.
Altı nəfər Cinayət Məcəlləsinin 233-cü (ictimai qaydanın pozulmasına səbəb olan hərəkətləri təşkil etmə və ya bu cür hərəkətlərdə fəal iştirak etmə) və 186.1-ci (özgənin əmlakını qəsdən məhv etmə və ya zədələmə) maddəsi ilə də təqsirləndirilir.
Sabahın hava proqnozu
Mingəçevirdə 20 yaşlı oğlan bıçaqlandı
Baş prokuror Ağdaşda qəbul keçirəcək
Aprelin 21-də 9 illik baza üzrə buraxılış imtahanı keçiriləcək
.jpg)
