Onlar hərbi xidmətə çağrılmaya bilər
Milli Məclisin payız sessiyasında bu barədə müzakirələr aparılacaq
Milli Məclisin (MM) payız sessiyasında Azərbaycanda magistratura və doktoranturada təhsil alanlara hərbi xidmətdən möhlət hüququ verilməsi barədə məsələ də müzakirəyə çıxarılacaq.
APA-nın xəbərinə görə, bunu MM-in Elm və Təhsil Komitəsinin sədri Şəmsəddin Hacıyev jurnalistlərə açıqlamasında deyib.
Ş. Hacıyev MM-in komitəsində “Elm haqqında” qanun layihəsi üzərində iş getdiyini qeyd edərək, bildirib ki, layihədə bununla bağlı da müddəalar yer alıb: “Mənim fikrimcə, magistratura və doktoranturada təhsil alanlara hərbi xidmətdən möhlət hüququ verilməlidir. Bilirik ki, hərbi xidmətə gedəndə onlar elm və təhsildən uzaqlaşırlar.
Lakin bu o demək deyil ki, o yerlər bron olaraq saxlanmalıdır. Hər bir vətəndaş Vətən qarşısında öz borcunu verməlidir”.
Elmira Süleymanova vəfat etdi
Aybəniz Haşımova Fidan Hacıyevanı təbrik etdi
Sabah 31 dərəcə isti olacaq - PROQNOZ
Azərbaycan və Qırğızıstan prezidentlərinin məhdud tərkibdə görüşü başlayıb
.jpg)
