Jurnalistlər arasında müsabiqə elan etdi
Qaliblərə pul mükafatı veriləcək
Azərbaycan Həmkarlar İttifaqları Konfederasiyasının İcraiyyə Komitəsinin yığıncağı keçirilmişdir. Yığıncaqda «Azərbaycan Həmkarlar İttifaqlarının həyatından bəhs edən ən yaxşı yazı, tele-radio süjeti» Respublika müsabiqəsinin təşkili və keçirilməsi haqqında qərar qəbul edib.
Həmkarlar İttifaqları Konfederasiyası ictimaiyyətlə əlaqələr şöbəsindən Simsar.az saytına daxil olan məlumata görə, müsabiqədə kütləvi informasiya vasitələrində ən azı 5 il müddətində fasiləsiz işləyən şəxslər iştirak edə bilərlər. Hər bir media nümayəndəsi yalnız bir material təqdim edə bilər. Qəzet və jurnal yazıları son bir ildə həftədə bir dəfədən az olmayaraq nəşr edilən, Mətbuat Şurasının tərtib etdiyi «Qara Siyahı»ya düşməyən mətbu orqanlarda dərc edilməlidir. Tələb olunan sənədlər sırasına jurnalistin əmək kitabçasının işlədiyi media orqanı tərəfindən təsdiq edilmiş surəti, şəxsi VÖEN surəti və şəxsi bank rekvizitləri daxildir. Müsabiqənin iştirakçıları müsabiqə materiallarını yazılı və elektron media orqanlarında çap olunduqdan, televiziya və radioda efirə getdikdən sonra 2011-ci il dekabrın 25-dək AHİK-in elektron ünvanına (ahik@azerin.com), yazılı mətnlər CD-də, video süjetlər isə DVD-də olmaqla AHİK-ə (Bakı, AZ1005, Gənclər meydanı, 3) təqdim edilməlidir.
Qəzet və jurnallarda çap olunmuş yazı A-3 formatlı qəzetin bir səhifəsi (11 min çap işarəsi) həcmində, televiziya və radioda efirə gedən sujet isə 4-5 dəqiqə həcmində olmalıdır. Müsabiqəyə təqdim olunmuş məqalələr və video sujetlər AHİK-də yaradılmış münsiflər heyəti tərəfindən 2012-ci ilin yanvar ayı ərzində qiymətləndiriləcək və müsabiqənin qalibləri müəyyən ediləcəkdir. Qaliblərə diplomlar və aşağıda göstərilən miqdarda pul mükafatları təqdim olunacaqdır:
Birinci yer – 3 nəfər – hər biri üçün 1000 manat
İkinci yer – 8 nəfər - hər biri üçün 500 manat
Üçüncü yer – 10 nəfər - hər biri üçün 300 manat
Sabahın hava proqnozu
Mingəçevirdə 20 yaşlı oğlan bıçaqlandı
Baş prokuror Ağdaşda qəbul keçirəcək
Aprelin 21-də 9 illik baza üzrə buraxılış imtahanı keçiriləcək
.jpg)
