İnsan Haqları üzrə Avropa Məhkəməsi Azərbaycan vətəndaşı Nadir Orucovun iddiası əsasında qəbul etdiyi qərarı açıqlayıb.
APA-nın İnsan Haqları üzrə Avropa Məhkəməsinin internet saytına istinadən verdiyi məlumata görə, N. Orucov 2005-ci ilin parlament seçkiləri zamanı namizədliyinin qanunsuz ləğvindən şikayət verib. Avropa Məhkəməsi N. Orucovun şikayətinə Azərbaycandakı hüquqi instansiyalar tərəfindən ədalətli baxılmadığını əsas gətirərək, dəymiş maddi ziyanın kompensasiyası qismində ona 7 500 avro ödənilməsi barədə qərar çıxarıb.
Qeyd edək ki, N. Orucov bir müddət əvvəl Bakıda qətl törətdiyinə görə həbs olunub. O, 2011-ci il iyunun 8-i saat 16.10 radələrində Nəsimi rayonu ərazisində sahibi olduğu avtomaşınların yuyulma məntəqəsində münaqişə zəminində "Makarov" tipli tapançadan açdığı 2 atəşlə Gəncə şəhər sakini Rövşən Rüstəmovu qətlə yetirib. N. Orucov könüllü olaraq Nəsimi Rayon Polis İdarəsinin 19-cu Polis Bölməsinə gəlib və 1 ədəd nömrəsi silinmiş "Makarov" tipli tapançanı təhvil verib.
Nadir Oruc oğlu Orucov 2005-ci ildə 9 saylı Binəqədi II, 2010-cu ildə isə 21 saylı Nəsimi I Seçki Dairəsindən deputatlığa namizəd olub. Qulamrza Səbri Təbrizinin rəhbərlik etdiyi Dünya Azərbaycanlıları Konqresi Azərbaycan nümayəndəliyinin rəhbəridir. “Zivər Nadir” MTK İstehsalat Kommersiya firmasının baş direktoru, sahibkardır.
Faktla bağlı Cinayət Məcəlləsinin 120.1-ci (qəsdən adam öldürmə) və 228.1-ci (qanunsuz olaraq odlu silah əldə etmə, saxlama, satma, daşıma, gəzdirmə) maddələri ilə cinayət işi başlanıb.
Sabahın hava proqnozu
Mingəçevirdə 20 yaşlı oğlan bıçaqlandı
Baş prokuror Ağdaşda qəbul keçirəcək
Aprelin 21-də 9 illik baza üzrə buraxılış imtahanı keçiriləcək
.jpg)
