Bədbəxt hadisələrin sayı artıb
Bu ilin birinci yarımilində müəssisələrdə əmək müqaviləsinin bağlanması sahəsinə göstərilən diqqət məni qane etmir. Lent.az-ın verdiyi məlumata görə, bunu əmək və əhalinin sosial müdafiəsi naziri Füzuli Ələkbərov söyləyib.
Füzuli Ələkbərov deyib ki, bu ilin 6 ayında dövlət nəzarəti həyata keçirilən müəssisələrdə əmək müqaviləsi olmadan işə cəlb edilən 770 işçi ilə əmək müqaviləsi bağlatdırılıb: “Bu, kifayət qədər az rəqəmdir. Bu sahəyə diqqətimizi artırırıq. Ümidvaram ki, növbəti yarımillikdə bu göstərici kifayət qədər yüksək olacaq. Biz bu problemin çox aktual olduğunu bilirik. Təəssüf ki, əmək müqaviləsi ilə təsdiqlənməmiş əmək münasibətləri mövcuddur. Bu da kifayət qədər sosial fəsadlara yol aça bilir. Bu sahədə problemlərimiz var. Şübhəsiz ki, nəzarət mexanizmini gücləndirəcəyik”.
Əmək və əhalinin sosial müdafiəsi naziri bədbəxt hadisələrin sayının da artdığını qeyd edib: “İstehsalatda 128 bədbəxt hadisə baş verib və nəticədə 53 nəfər həyatını itirib. Biz bu məsələyə də diqqəti artırmalıyıq. Bunu bir tərəfdən iqtisadiyyatdakı canlanma, digər tərəfdən, inşaat sektorundakı işlərlə əsaslandırırlar. Lakin biz nəzarət etməliyik ki, burada subyektiv amillər olmasın”.
Aybəniz Haşımova Fidan Hacıyevanı təbrik etdi
Sabah 31 dərəcə isti olacaq - PROQNOZ
Azərbaycan və Qırğızıstan prezidentlərinin məhdud tərkibdə görüşü başlayıb
Türkiyə Milli Suverenlik və Uşaq Bayramı Gününü qeyd edir
.jpg)
