Donorlar imtina etdi
Bu il “Media açarı” və Həsən bəy Zərdabi mükafatları təqdim olunmayacaq.
“Mediaforum” saytının məlumatına görə, ötən ay bu mükafatların təsisçiləri – “Yeni Nəsil” Jurnalistlər Birliyi və Azərbaycan Jurnalistlər Birliyi məlumat yayaraq Həsən bəy Zərdabi mükafatının “Media açarı” ilə eyni tədbirdə təqdim ediləcəyini açıqlasalar da, bunu reallaşdırmaq mümkün olmayıb.
Simsar.az-ın məlumatına görə, ənənəvi donor təşkilatlar mükafatlandırmanı maliyyələşdirməkdən imtina etdikləri üçün təşkilatçılar maddi çətinliklərlə üzləşiblər.
1997-ci ildə təsis edilmiş “Media açarı” mükafatı hər il 22 İyul Azərbaycan Jurnalistikası Günü münasibətilə təqdim olunur. Təsisçiləri “Yeni Nəsil” Jurnalistlər Birliyi və Azərbaycan Jurnalistlər Birliyidir.
Həsən bəy Zərdabi mükafatı ötən əsrin 90-cı illərinin sonlarında Azərbaycan Jurnalistlər Birliyinin o zamankı sədri, mərhum jurnalist Hacı Hacılının təşəbbüsü ilə təsis olunub. Laureatları Azərbaycan Jurnalistlər Birliyi Azərbaycan Jurnalistikası Günü ərəfəsində sərbəst nominasiyalar üzrə seçir.
RAMİL
Sabahın hava proqnozu
Mingəçevirdə 20 yaşlı oğlan bıçaqlandı
Baş prokuror Ağdaşda qəbul keçirəcək
Aprelin 21-də 9 illik baza üzrə buraxılış imtahanı keçiriləcək
.jpg)
