Komitə sədri QHT və jurnalistlərə səsləndi
“Qeyri-hökumət təşkilatları (QHT) və mətbuat Cənubi Azərbaycanda yaşayan soydaşlarımızın problemlərinə diqqət yetirməlidır”.
Simsar.az-ın məlumatına görə, bunu jurnalistlərə açıqlamasında Diasporla İş üzrə Dövlət Komitəsinin sədri Nazim İbrahimov bildirib. O deyib ki, Azərbaycan dövləti İranın daxili işlərinə qarışa bilməz: "İran Azərbaycana dost və qonşu ölkədir. Amma QHT-lər söylədikləri fikirlərdə və atdıqları addımlarda sərbəstdirlər. Düşünürəm ki, QHT-lər və mətbuat Cənubi Azərbaycanda yaşayan soydaşlarımızın problemlərinə diqqət yetirməlidir”.
Nazim İbrahimov söyləyib ki, rəhbərlik etdiyi komitə dünyanın müxtəlif ölkələrində yaşayan soydaşlarımızla işləyir və onların fəaliyyətlərini yaxından izləyir.