Şəmkirdə 26 yaşlı əmisi oğlu ilə nişanlanan 14 yaşlı qızın valideynləri polisə çağırılıb.
Bu barədə DİN Mətbuat Xidmətinin Gəncə Regional Qrupunun rəhbəri Eşqin Qasımov Yeniavaz.com-a məlumat verib.
O bildirib ki, hər iki tərəfin valideynləri polisə çağırılıb:
“Polis əməkdaşları 14 yaşlı qızın evində olub, onunla profilaktiki söhbət aparıblar. Qız ifadəsində zorla nikaha daxiletmə faktının olmamasını bildirib. O qeyd edib ki, bir neçə gün əvvəl elçilik mərasimi olub, yaxın günlərdə isə nişan olacaqmış. Həm qızın, həm də qarşı tərəfin valideynləri Şəmkir rayon Polis Şöbəsinə dəvət edilib, onlarla profilaktiki söhbət aparılıb. Onlara bildirilib ki, əgər yetkinlik yaşına çatmayan şəxs nikaha daxil olursa, bu, cinayət məsuliyyəti deməkdir. Və bu məsuliyyəti həm qızın valideynləri, həm bəy, hətta bəyin valideynləri də daşıya bilər. Ona görə bu tip əməllərdən çəkinmələri bildirilib. Faktla bağlı profilaktiki tədbirlər hələ də davam etdirilir”.
***12:38
Şəmkirdə 14 yaşlı qız 26 yaşlı əmisi oğlu ilə nişanlanıb.
Yeniavaz.com xəbər verir ki, bu barədə Azərbaycan Uşaqlar Birliyi - Uşaq Sığınacağı Reinteqrasiya Mərkəzinin sədri Kəmalə Ağazadə sosial şəbəkə hesabında paylaşım edib.
“15 yaşı hələ yanvarda tamam olacaq qızı 26 yaşlı əmisi oğluna veriblər”, - paylaşımda bildirilib.
O həmçinin qeyd edib ki, məsələ polis nəzarətinə götürülüb:
“Hazırda DİN Mətbuat Xidmətinin Gəncə Regional Qrupunun rəhbəri Eşqin Qasımovun nəzarəti ilə göndərdiyim bütün məlumatların araşdırılmasına başlanılıb. Nəticəni yaxın saatlarda eşidəcəyik”.
Sabahın hava proqnozu
Mingəçevirdə 20 yaşlı oğlan bıçaqlandı
Baş prokuror Ağdaşda qəbul keçirəcək
Aprelin 21-də 9 illik baza üzrə buraxılış imtahanı keçiriləcək
.jpg)
