Azərbaycanda iki rayonda zəlzələ olub. Simsar.az xəbər verir ki, bu barədə Azərbaycan Milli Elmlər Akademiyası nəzdində Respublika Seysmoloji Xidmət Mərkəzindən məlumat verilib. Bildirilib ki, Yeraltı təkanlar yerli vaxtla saat 03:57-də Altıağac stansiyasından 22 km şimal-şərqdə, Siyəzən ərazisində və saat 08:00-da Bərdə stansiyasından 8 km cənub-qərbdə Bərdə ərazisində qeydə alınıb.
İlk zəlzələ ocağı 44 kilometr dərinlikdə, 3,3 maqnitudada, ikinci zəlzələ ocağı isə 24 kilometr dərinlikdə, 3,2 maqnitudada qeydə alınıb. Yeraltı təkanlar hiss olunmayıb.