Almaniyadakı müalicəsini başa vuraraq, vətənə qayıdan xalq şairi ağrıların keçdiyini deyib
Azərbaycan Aşıqlar Birliyinin sədri, xalq şairi Zəlimxan Yaqub Almaniyadakı müalicəsini başa vuraraq, Vətənə qayıdıb. Z.Yaqub lent.az-a bildirib ki, hazırda özünü normal hiss edir və müalicəsi ev şəraitində davam etdirilir: “Qorxulu bir şey yoxdur, onlar geridə qaldı. Şükür Allaha, özümü pis hiss etmirəm, ağrılarım keçib. Amma çox zəifəm. Bundan sonra orqanizmim yenidən güclənməlidir. İtirdiyim enerjini və qanı bərpa etmək lazımdır”.
Xalq şairi bildirib ki, burada da həkim nəzarəti altındadır. Hazırda evdə dincələn sədr bir həftədən sonra işinin başına dönməyi düşünür: “Hələ ki ancaq evdəyəm. Heç yerə çıxmıram. Ancaq həyətdə bir az gəzişirəm. Bir həftəni yalnız dincəlmək, enerji toplamaq istəyirəm. İnşallah, bir həftədən sonra işimin başına qayıdacağam. Amma işə çıxanda da gərək güclü çıxım, Zəlimxan Yaqub kimi”.
Xatırladaq ki, Zəlimxan Yaqub mayın 3-dən Almaniyanın Hannover şəhərindəki xəstəxanada müalicə olunurdu. Şair ora böyrəyindən qanaxma keçirdiyinə görə aparılmışdı.
Sabahın hava proqnozu
Mingəçevirdə 20 yaşlı oğlan bıçaqlandı
Baş prokuror Ağdaşda qəbul keçirəcək
Aprelin 21-də 9 illik baza üzrə buraxılış imtahanı keçiriləcək
.jpg)
