Filmlərdən biri Molla Pənah Vaqifə o biri, Yaqub Mahmudova həsr olunub
Azərbaycan Televiziya və Radio Verilişləri QSC-də “Molla Pənah Vaqif” və “Tarixin izi ilə…Yaqub Mahmudov” sənədli televiziya filmlərinin istehsalı başa çatıb.
Azərbaycan Teleradio Verilişləri QSC-nin mətbuat xidmətindən Simsar.az-a verilən məlumata görə, görkəmli şair Molla Pənah Vaqifin həyat və yaradıcılığına həsr olunmuş filmdə onun taleyinin müxtəlif məqamları əks etdirilib. Filmdə şairin qoşmalarından, qəzəllərindən, müxəmməslərindən, məsnəvilərindən istifadə olunub. Çəkilişlər Qazax rayonunun Şıxlı və Salahlı kəndlərində aparılıb. Filmin ssenari müəllifi Əhməd Oğuz, rejissoru Namiq Ağayev, operatoru Elxan Rüstəmovdur.
Siyasi portret janrında çəkilən “Tarixin izi ilə…Yaqub Mahmudov” filmi əməkdar elm xadimi, tarix elmləri doktoru, AMEA-nın müxbir üzvü, millət vəkili Yaqub Mahmudovun həyat, elmi və ictimai fəaliyyətinə həsr olunub. Filmdə Azərbaycan tarixinin müxtəlif zaman kəsiyində üzləşdiyi qadağalardan söhbət açılıb. Çəkilişlər Şəkidə, Balakəndə və Bakıda aparılıb. Filmin ssenari müəllifi Yaqub Əlioğlu, rejissoru Murad Muradov, operatoru Mətləb Yaqubovdur.
Aprelin 21-də 9 illik baza üzrə buraxılış imtahanı keçiriləcək
Ağcabədi rayonunun 110 min manatlıq yolu... FOTO
“WhatsApp”da yeni funksiya var
Azərbaycan baleti İtaliya səhnəsində
.jpg)
