Yerə asteroid düşə bilər

Futbol meydançası böyüklükdə asteroid Yerə düşə bilər. Bu barədə “İnternational Business Times” məlumat yayıb. Asteroidin planetimizlə təmas ehtimalı yeddi mində birə bərabər qiymətləndirilir.

2006 QV89-la toqquşma 9 sentyabr 2019-cu ilə təsadüf edə bilər. Asteroid Avropa Kosmik Agentliyi tərəfindən hazırlanan təhlükəli səma cisimləri siyahısında ən çox narahatlıq yaradan dördüncü kosmik obyektdir.

Modelləşdirmə nəticələrinə əsasən, asteroid, böyük ehtimalla, Yerdən 6,7 milyon  kilometrdən çox uzaqlıqdan keçəcək. Bundan əvvəl aprelin 18-də Harvard Universitetinin alimləri 2014-cü ilin yanvar ayında Yer atmosferinə daxil olmuş kosmik obyektin Süd Yolu diskində yerləşən başqa planet sistemindən gəldiyini açıqlayıb.

Obyektin Günəş cazibəsi ilə heç bir əlaqəsi olmayıb, yəni onun orbiti ətrafında hərəkət etməyib,  cazibə qüvvəsi asteroidin trayektoriyasına heç bir təsir göstərməyib.(oxu)