Düşüb taleyimin qədəmlərinə,
Yalvaracam mənə kömək ol, deyə.
Şikayət eləyib qara bəxtimdən,
Bir şans istəyəcəm, bir də sevməyə.
Bəlkə qəzəblənib bu gileyimdən,
Bəxtimin üstündən qələm çəkəcək.
Mənə bəxş etdiyi eşq yuvasını,
Gözümün önündə yıxıb sökəcək.
Bəlkə də rəhm edib yaşlı gözümə,
Könül ünvanımı yad eləyəcək.
Hicran yarasını görüb sinəmdə,
Qəlbimi ovudub, şad eləyəcək.
Acı qədərimi dəyişib o gün,
Qədərlər içindən seçib verəcək.
Silib haqqımdakı haqsız qərarı,
Küskün ürəyimi sevindirəcək.
Sarılıb ümidsiz ümidlərimə,
Son dəfə şansımı sınayacağam.
Elə də... bədbəxtəm, belə də... bədbəxt,
Taleyin qapısında dayanacağam.
Türkiyə Milli Suverenlik və Uşaq Bayramı Gününü qeyd edir
Aİ İrana qarşı sanksiyalarını davam etdirir
Xalq yazıçısı Elçin Əfəndiyevin son durumu AÇIQLANDI
Sabahın hava proqnozu
.jpg)
