“Zamanın tələblərindən irəli gəlmiş bu dəyişikliklər din-dövlət münasibətlərinin tənzimlənməsi məsələlərində mühüm rol oynayıb”
Milli Məclisin İnsan hüquqları komitəsinin mayın 31-də keçirilmiş iclasında “Dini etiqad azadlığı haqqında” qanuna dəyişikliklər edilməsi barədə” qanun layihəsi müzakirə olunub.
Simsar.az“AzərTAc” dövlət agentliyinə istinadən verdiyi məlumata görə, komitənin sədri Rəbiyyət Aslanova bildirib ki, “Dini etiqad azadlığı haqqında” qanun 1992-ci ildə qəbul olunub və ötən müddət ərzində qanuna bir sıra dəyişikliklər edilib: “Zamanın tələblərindən irəli gəlmiş bu dəyişikliklər din-dövlət münasibətlərinin tənzimlənməsi məsələlərində mühüm rol oynayıb”.
Yeni layihədə qanunun müvafiq maddələrində 19 dəyişiklik nəzərdə tutulub. Qanunun peşəkar dini fəaliyyətlə bağlı maddəsinə edilən dəyişiklikdə deyilir: “Peşəkar dini fəaliyyət dini tərbiyə və dini təhsilə, dindarların dini tələbatının ödənilməsinə, dinlərin yayılmasına, dini ayinlərin icrasına, moizələrin (xütbələrin) oxunmasına, dini qurumun inzibati və təşkilati idarəetməsinə yönəlmiş fəaliyyətdir”.
Dini qurumlar yalnız dövlət qeydiyyatına alınması üçün təqdim olunmuş məlumatlarda hüquqi ünvan kimi göstərilən ibadət yerlərində həmin dini qurumlara dini mərkəz və idarələr tərəfindən din xadimi təyin edildikdən sonra fəaliyyət göstərə bilərlər.
Əlavələrə əsasən dini qurumlar tərəfindən gənclərin və yaşlıların müqəddəs kitabları öyrənmə kursları (qrupları) həmin dini qurumların nizamnamələrinə uyğun olaraq tabe olduqları dini mərkəz və idarələrin razılığı ilə yaradılır.
Deputatlardan İqbal Ağazadə, Astan Şahverdiyev müzakirə edilən qanun layihələrinə dair fikirlərini bildiriblər. Sonda hər iki qanun layihəsi Milli Məclisin müzakirəsinə tövsiyə olunub.
Aybəniz Haşımova Fidan Hacıyevanı təbrik etdi
Sabah 31 dərəcə isti olacaq - PROQNOZ
Azərbaycan və Qırğızıstan prezidentlərinin məhdud tərkibdə görüşü başlayıb
Türkiyə Milli Suverenlik və Uşaq Bayramı Gününü qeyd edir
.jpg)
