“Bir türk milliyyətçisinin Stalinlə ixtilal xatirələri” adlı kitabda cümhuriyyətçinin məqalələri yer alıb
Dünya Azərbaycanlıları Konqresi Gənclər Təşkilatının xətti ilə Məhəmməd Əmin Rəsulzadənin
"BİR TÜRK MİLLİYƏTÇİSİNİN STALİNLƏ İXTİLAL XATİRƏLƏRİ" kitabı işıq üzü görüb.
Kitabın nəşrinə təşəbbüskarlardan olan Elşad Ərşadoğlu Simsar.az-a bildirib ki, 28 May Cümhuriyyət (Respublika) bayramı münasibətilə nəşr olunan kitaba marağın və sifarişlərin səviyyəsini nəzərə alıb ilkin mərhələdə 500 tirajla nəşr etdiriblər.
Kitab Məhəmməd Əmin Rəsulzadənin Stalin və stalinizm haqqında 1954-cü ildə Türkiyədə çap etdirdiyi seriya məqalələrdən ibarətdir. Buraya böyük vətəndaş XX əsrin əvvəllərində çarizmlə mübarizə gedişində Stalinlə bağlı hadisələri xatırlayır, bilavasitə iştirakçısı olduğu hadisələr fonunda Stalinin siyasi portretini yaradır, bu proseslərin xarakterini açır.
Müstəqil Azərbaycan Respublikasının işğalından sonra başına gələn sərgüzəştlər, Stalinlə məşhur görüşü incələnir. Azərbaycan tarixi və ictimai fikri üçün son dərəcə maraqlı olan bir sıra mətləblər açılır.
Vətən tarixinin çox əhəmiyyətli bu dövrü və M.Ə.Rəsulzadənin şəxsiyyəti, eləcə də stalinizmin anatomiyası ilə maraqlananlar üçün nəzərdə tutulub.
Sabahın hava proqnozu
Mingəçevirdə 20 yaşlı oğlan bıçaqlandı
Baş prokuror Ağdaşda qəbul keçirəcək
Aprelin 21-də 9 illik baza üzrə buraxılış imtahanı keçiriləcək
.jpg)
