“Ötən il 246, 2015-ci ildə isə 257 gömrük orqanı əməkdaşı intizam məsuliyyətinə cəlb olunub. Onlardan 84 nəfəri işdən azad olunub”.Simsar.az xəbər verir ki, bu barədə Gömrük Komitəsinin sədri Aydın Əliyev 2016-cı ilin yekunlarına həsr edilmiş tədbirdə bildirib. Onun sözlərinə görə, gömrük xidməti orqanları əməkdaşlarının 10-u barəsində cinayət işi Baş prokuror yanında Korrupsiyaya qarşı Mübarizə Baş İdarəsi göndərilib: “Onlar barəsində araşdırmalar davam etdirilir”.DGK-nin sədri bildirib ki, Azərbaycandan valyutanın aparılması ciddi problemlərdən biridir: “2 milyon dollardan artıq pulun ölkədən çıxarılmasının qarşısı alınıb. Həmçinin külli miqdarda civənin daşınmasına yol verməmişik".A.Əliyev əlavə edib ki, qlobal iqtisadi böhran, neftin ucuzlaşması, o cümlədən manatın devalvasiyası ötən il Azərbaycanın ixracına təsir edib: “Ötən il Azərbaycan 180 ölkə ilə ticarət həyata keçirib. Eyni zamanda xarici ticarətimizin dövriyyəsi kəskin enib. 2015-ci ildə ixracımız 12,729 mlrd. dollar olduğu halda, ötən ilin yekununda bu rəqəm 9,143 mlrd. dollar təşkil edib. Bununla yanaşı, 2016-cı ilin əvvəlinə 9,216 mlrd. dollarlıq idxal əməliyyatı aparılmışdırsa, bu ilin əvvəlinə bu göstərici 8,523 mlrd. manata enib. Bildiyiniz kimi, DGK-nin əsas vergitutma bazası idxal əməliyyatlarına aiddir”
Elmira Süleymanova vəfat etdi
Aybəniz Haşımova Fidan Hacıyevanı təbrik etdi
Sabah 31 dərəcə isti olacaq - PROQNOZ
Azərbaycan və Qırğızıstan prezidentlərinin məhdud tərkibdə görüşü başlayıb
.jpg)
