Nazir düşmən ölkəyə dəvət edildi
Ermənistanın təhsil və elm naziri Armen Aşotyan Azərbaycanın təhsil naziri Misir Mərdanovu bu ilin iyul və sentyabr aylarında İrəvanda keçiriləcək beynəlxalq təhsil tədbirlərinə dəvət edib.
APA-nın xəbərinə görə, bu barədə Ermənistanın Təhsil və Elm Nazirliyi məlumat yayıb.
Məlumatda bildirilir ki, iyul ayının 1-dən etibarən Ermənistan Polşa ilə bərabər Bolonya prosesində həmsədrliyə başlayır. Həmsədrlik çərçivəsində 3-10 iyul tarixində İrəvanda beynəlxalq tələbə yay məktəbi təşkil olunacaq, 8-9 sentyabr tarixində isə ali təhsilin maliyyələşdirilməsi üzrə beynəlxalq konfrans keçiriləcək. Bu tədbirlərdə 45 Avropa ölkəsindən təhsil rəsmilərinin iştirakı gözlənilir.
Keçiriləcək tədbirlərdə iştirak etmək üçün Azərbaycanın təhsil naziri ilə yanaşı, Türkiyənin Ali Təhsil Şurasının rəhbəri Yusif Ozcana da dəvət göndərilib.
Türkiyə Milli Suverenlik və Uşaq Bayramı Gününü qeyd edir
Aİ İrana qarşı sanksiyalarını davam etdirir
Xalq yazıçısı Elçin Əfəndiyevin son durumu AÇIQLANDI
Sabahın hava proqnozu
.jpg)
