Rusiya nümayəndə heyəti ölkənin Türkiyədəki səfiri Andrey Karlovun sui-qəsdlə öldürülməsini araşdımaq üçün Ankaraya yola düşüb.
Simsar.az "Haber7"yə istinadən xəbər verir ki, mütəxəssislərdən ibarət nümayəndə heyətinin tərkibində məhkəmə tibbi eksperti də var.
Qeyd edək ki, dekabrın 19-da Rusiyanın Türkiyədəki səfiri Andrey Karlov silahlı sui-qəsd nəticəsində öldürülüb. Rəsmi Ankara və Moskva bu hadisəni kəskin şəkildə qınayaraq, sui-qəsdin iki ölkə münasibətlərinə zərər vurmağa yönəldiyini bildiriblər.