Ötən gün axşam saatlarında Quba-Xınalıq yolunda qar uçqunu baş verib. APA-nın şimal bürosunun verdiyi məlumata görə, uçqun yolun 36-cı kilometrliyində qeydə alınıb. Bu səbəbdən yolda hərəkət 20 dəqiqə məhdudlaşıb. “Azəravtoyol” ASC-nin yerli idarəsinin növbətçi briqadası əraziyə cəlb olunub. Qısa müddətdə yolda hərəkəti bərpa etmək mümkün olub. Hazırda ərazidə külək müşahidə olunduğu üçün yenidən qar uçqunlarının olma ehtimalı qalır.