Abdulla Şaiq adına Azərbaycan Dövlət Kukla Teatrında yeni tamaşa hazırlanıb. Teatrın mətbuat xidmətindən Simsar.az -a verilən məlumata görə, alman romançı, bioqrafiya yazarı Stefan Sveyqin “Yad qadının məktubu” novellası əsasında hazırlanan “Unudulmuş kukla” səhnə əsəri böyük yaş qrupu tamaşaçılar və festivallar üçün nəzərdə tutulub.
Tamaşa dekabrın 2-də ilk premyerası ilə teatrsevərlərin ixtiyarına veriləcək. Səhnələşdirəni və quruluşçu rejissoru Anar Məmmədov, quruluşçu rəssamı Əfşan Əsədova olan tamaşanın əsas ideyası bir qadının cavabsız sevgisidir. Zibillikdə tapdığı oyuncaqla özünün bütün daxili sarsıntılarını tamaşaçıya ustalıqla ifadə edən qadın sonda özünü əbədi zülmətə qərq edir.
“Unudulmuş kukla” tamaşasında Cəmilə Allahverdiyeva (Qadın) və Elmira Hüseynova (Səfil) rol alıblar.
Aybəniz Haşımova Fidan Hacıyevanı təbrik etdi
Sabah 31 dərəcə isti olacaq - PROQNOZ
Azərbaycan və Qırğızıstan prezidentlərinin məhdud tərkibdə görüşü başlayıb
Türkiyə Milli Suverenlik və Uşaq Bayramı Gününü qeyd edir
.jpg)
