|
Qənirə Paşayeva Bayburtun bələdiyyə başqanı ilə görüşüb
Simsar.az xəbər verir ki, Millət vəkili, Azərbaycan-Türkiyə Parlamentlərarası Dostluq Qrupunun üzvü Qənirə Paşayeva Bayburt bələdiyyəsinin başqanı Mete Memişle görüşüb. Azərbaycanın umummimilli lideri Heydər Əliyevin dediyi kimi Azərbaycan və Türkiyə bir millət, iki dövlətdir deyən millət vəkili Qənirə Paşayeva gorüş zamanı Azərbaycan ilə Türkiyənin bəzi şəhərlərinin və bələdiyyələrinin qardaş şəhərlər və bələdiyyələr olduğunu bildirərək, Dədə Qorqud, Bamsı Beyrək kimi tarixi qəhrəmanlarımıza qucaq açmış qədim Bayburtla Azərbaycan bölgələrindən biri ilə qardaş olaraq görmək istədiklərini bildirən millət vəkili Qənirə Paşayeva bələdiyyə başqanı ilə Dağlıq Qarabağ problemi, Xocalı Soyqırımı, qondarma erməni soyqırımı ilə bağlı da fikir mübadiləsi aparıb və yaxın zamanlarda Bayburtun mərkəzi parklarından birinə Qarabağ adının veriləcəyinə, Xocalı Soyqırımı abidəsinin qoyulacağına, mərkəzi küçələrdən birinə Azərbaycan adınının veriləcəyinə inandığını deyib və Bayburt bələdiyyəsi tərəfindən bu cür addımın atılmasının böyük əhəmiyyətindən, vacibliyindən danışıb. Azərbaycanın qədim şəhəri Ağdamın Ermənistan tərfindən işğalından bi gün 22 il ötür deyən millət vəkili Qənirə Paşayeva şəhidlərimizi rəhmətlə anırıq və inanırıq ki, inşallah birlik və bərabərlik içində işğal altında olan torpaqlarımızı azad edəcəyik və Beynəlxalq Dədə Qorqud festivallarını orada da keçirə biləcəyik deyib. Millət vəkili bələdiyyə başqanına Azərbaycanla bağlı, Azərbaycan-Türkiyə münasibətlərinin bu günkü surətli inkişafı ilə bağlı geniş məlumatlar verib və fikir mübadiləsi aparılıb. Azərbaycanı sevdiyini deyən Bayburt bələdiyyə başqanı Mete Memiş Türkiyənin və Azərbaycanın bir millət iki dövlət olduğunu vurğulayaraq Bayburt bələdiyyəsinə rəhbərliyi dövründə Azərbaycanla bütün istiqamətlərdəəməkdaşlığın inkişafına xüsusi önəm və diqqət edəcəyini deyərək qardaş bələdiyyələr məsələsi ilə də bağlı addımlar atılacağını deyib. Qarabağ problemi, Xocalı ağrısı hər zaman bizim də problemimiz və ağrımızdır deyən Bayburt bələdiyyə başqanı Mete Memiş hər zaman qardaş Azərbaycanın yanındayıq deyib və millət vəkili Qənirə Paşayevanın Bayburtda Qarabağ adını daşıyan parkın, Azərbaycan adına küçənin verilməsi təklifini müsbət qiymətləndirdiyini deyərək yaxın zamanlarda bu təklifin reallaşacağını deyib. Bələdiyyə başqanına müəllifi olduğu “Qənirə Paşayeva ilə addım-addım Türk dünyası” kitabını təqdim edən Qınirə Paşayeva kitabda qədim Bayburtun xüsusi yer tutduğunu göstərərəkAzərbaycan insanına Bayburtu daha da geniş tanıdacaq bu hədiyyə mənim bu qədim bölgəmizə sevgimi də göstərəcək deyib. Millət vəkili Bayburt bələdiyyəsi başqanı Mete Memiş və xanımını Azərbaycanda görməkdən məmnun olacaqlarını bildirərək onları ölkəmizə dəvət edib. Dəvəti məmnuniyyətlə qəbul edən Bayburt bələdiyyə başqanı Mete Memiş Azərbaycana məmuniyyətlə səfər etmək vəəməkdaşlığı daha da genişləndirmək istədiklərini deyib. Görüşün sonunda millət vəkili Qənirə Paşayeva Bayburt bələdiyyə başqanına həmmüəllifi olduğu “Hocalı soykırımı tanıkların dilindən”, “Karabağ hikayeleri” kitablarını , rəhbərlik etdiyi Avrasiya Beynəlxalq Araşdırmalar İnstitutu İB tərəfindən hazırlanan “Azərbaycan həqiqətləri” filmləri kataloqunu, Azərbaycan tarixi, mədəniyyəti, Qarabağ həqiqətlərini özündəəks etdirən kitablar, filmlər hədiyyə edib. O da millət vəkilinə Bayburt tarixi, mədəniyyəti ilə bağlı kitablar, materialları hədiyyə edib. Görüşdə əslən Bayburtlu olan SOCAR Türkiyə başqanı Kenan Yavuz və Azərbaycandan bir sıra mədəniyyət və ədəbiyyat xadimləri də iştirak edib. Onlar da Azərbaycan-Türkiyə münasibətləri, gələcək prespektivlər və gənc nəsillərin bir-birimizi daha yaxından tanıma və sahiblənmə ruhunda tərbiyə edilməsinin vacibliyi ilə bağlı fikir və düşüncələrini bölüşüb, geniş fikir mübadiləsi aparılıb.
23 İyul, 2015 11:40 ⁄ Baxılıb: 913 ⁄ Çap
Bu bölmədə
|
|
|