“Azərişıq” ASC Bakı-2015 I Avropa Oyunlarının keçiriləcəyi obyektlərin elektrik enerjisi ilə təchizatını ən yüksək səviyyədə təmin edəcək.
“Azərişıq” ASC-dən Simsar.az-a verilən məlumata görə, I Avropa Oyunlarının müvəffəqiyyətlə keçirilməsi üçün “Azərışıq” ASC bu işdə ciddi koordinasiya olunmuş, xeyli önəmli və irimiqyaslı layihələr həyata keçirib.
“Azərişıq” ASC qısa müddət ərzində 6 ədəd 110 kv, 14 ədəd isə 35 kv-lıq yeni, qapalı tipli, müasir avadanlıqlarla təchiz edilmiş yarımstansiyalar inşa edərək istismara verib. Olimpiya oyunlarının keçiriləcəyi obyektlərin dayanıqlı və etibarlı elektrik enerjisi ilə təchizatını təmin etmək məqsədi ilə obyektlərin bəsləyici xətləri bir-birindən asılı olmayan müxtəlif mənbələrdən əlaqələndirilib.
Bütün bu kimi texniki tədbirlərlə yanaşı, “Azərişıq” ASC sədrinin sərəncamı ilə xüsusi qərargah yaradılıb və hər bir qərargah üzvünün koordinasiya yeri, hərəkət trayektoriyası müəyyənləşdirilib. Bütün əlaqədar yarımstansiyalara və Olimpiya obyektlərini qidalandıran TM-lərə operativ növbətçi heyətlə bərabər inzibati texniki və rəhbər vəzifəli şəxslərdən ibarət məsul növbətçilər də təhkim edilib. Səyyar əməliyyat və təmir briqadaları yeni maşınlarla təchiz edilib, Səhmdar Cəmiyyətin bütün maşın və mexanizmləri hazırlıq vəziyyətinə gətirilib.
Həmçinin, Olimpiya obyektlərini qidalandıran yarımstansiyalarda və paylayıcı qurğularda mütəmadi olaraq, sınaq-profilaktika işləri, operativ əməliyyat personalı və mühəndis heyətləri ilə əks-qəza məşqləri aparılır, rejim xarakterli məsələlərdən irəli gələn bir neçə mərhələli variantlar təhlil edilərək treninqlər keçirilir.
ASC həmçinin, media nümayəndələrinin yaşayış yerlərinin - Atletlər kəndinin, Media mərkəzinin o cümlədən oyunlarla əlaqədar digər obyektlərin - mehmanxanaların, qonaq evlərinin, restoran və əyləncə mərkəzlərinin, eləcə də ölkəmizə təşrif buyuran bütün qonaqların, turistlərin mənalı istirahəti üçün respublika ərazisində yerləşən tarixi- etnoqrafik muzey və abidələrin, o cümlədən ölkəmizin bütün görməli və gəzməli yerlərinin də enerji təchizatını tam nəzarətə götürüb.
Sabahın hava proqnozu
Mingəçevirdə 20 yaşlı oğlan bıçaqlandı
Baş prokuror Ağdaşda qəbul keçirəcək
Aprelin 21-də 9 illik baza üzrə buraxılış imtahanı keçiriləcək
.jpg)
