FİFA prezidentliyi postuna namizəd İordaniya şahzadəsi Əli-bin əl-Hüseyn Dünya Çempionatının reqlamentində dəyişiklik etmək niyyətindədir.
Simsar.az “Daily Mirror”a istinadən xəbər verir ki, Luiş Fiqo və Maykl van Praaq namizədlikdən imtina etdikdən sonra şahzadə Zepp Blatterin tək rəqibidir. O, seçkilərə az müddət qalmış FİFA-ya təqdim etdiyi yazılı müraciətlə gündəmə gəlib. Futbol üzrə Dünya Çempionatlarında daha çox komandanın iştirak etməli olduğunu bildirən şahzadə müraciətində bunları qeyd edib: “Hazırda final mərhələsində 32 komanda çıxış edir. Bunu 36 etmək lazımdır. Reqlamentdəki dəyişiklik 2018-ci ildə Moskvada keçiriləcək Mundiala tətbiq olunmalıdır”.
Prezident seçiləcəyi təqdirdə səsləndirdiyi fikrin üstündə dayanacağını bildirən şahzadə Hüseyn, “FİFA-nın 65-ci konqresində də bu məsələni müzakirəyə çıxaracağam”, - deyə bildirib.
Qeyd edək ki, FİFA-nın yeni prezidentinin adına mayın 29-da keçiriləcək konqresdə aydınlıq gələcək. Namizədlikdən imtina edən Luiş Fiqo və Maykl van Praaq səslərini İordaniya şahzadəsinə verəcəklərini açıqlayıblar.
Vüsal Məmmədzadə
Çingiz Abdullayevin səhhəti ilə bağlı vəziyyət açıqlanıb
Prezident İlham Əliyev Slovakiyanın yeni dövlət başçısını təbrik edib
Seymur İsayev: "Bu sahə iqtisadi inkişaf strategiyasının prioritetlərindən biridir"
Ramin Məmmədov Dini Qurumlarla İş üzrə Dövlət Komitəsinə sədr təyin edildi –Do sye
.jpg)
