Səlim Müslümov: "390 milyon manat vəsait tələb olunacaq”
2010-cu ilin yanvar ayının 1-dək pensiyaya çıxan şəxslərin pensiya məbləğinin orta hesabla 40 faiz artırılmasını nəzərdə tutan "Əmək pensiyaları haqqında" qanuna dəyişikliklər iyulun 1-dən qüvvəyə minəcək.
Simsar.az-ın məlumatına görə, bu haqda jurnalistlərə Dövlət Sosial Müdafiə Fondunun (DSMF) sədri Səlim Müslümov məlumat verib. S. Müslümov bildirib ki, qanun layihəsinə mayın 17-də parlamentin plenar iclasında baxılacaq. DSMF sədrinin sözlərinə görə, təkrar hesablama nəticəsində staj 1,94-ə vurulacaq və alınan rəqəmə 85 manat məbləğində baza pensiyası əlavə olunacaq: “1,94 göstəricisi hesablanan zaman 2006-cı ildən 2010-cu ilədək istehlak qiymətlərinin dəyişməsi nəzərə alınıb. 2006-cı ildə Azərbaycanda inflyasiya 8,3 faiz, 2007-ci ildə 16,7 faiz, 2008-ci ildə 20,8 faiz, 2009-cu ildə 1,5 faiz, 2010-cu ildə isə 5,7 faiz təşkil edib".
S.Müslümov bu dəyişikliklərin bütün kateqoriyalı pensiyaçılara aid olduğunu deyib. O, qeyd edib ki, ilkin hesablamalara görə, orta hesabla 845 min nəfərin pensiyası artacaq: “Bu artımların maliyyələşdirilməsi üçün bir il ərzində təqribən 390 milyon manat vəsait tələb olunacaq”.
DSMF sədrinin sözlərinə görə, hesablama nəticəsində pensiyanın eyni məbləği bundan əvvəlkindən aşağı olsa, əvvəlki məbləğ saxlanılacaq.
Aprelin 21-də 9 illik baza üzrə buraxılış imtahanı keçiriləcək
Ağcabədi rayonunun 110 min manatlıq yolu... FOTO
“WhatsApp”da yeni funksiya var
Azərbaycan baleti İtaliya səhnəsində
.jpg)
