"Azər-İlmə" Xalçaçılıq Mərkəzinin təsis etdiyi "Azərbaycan xalçaları" elmi-publisistik jurnalının yeni -XIV sayı işıq üzü görüb. Həm sənətşünaslıq, həm də tarixşünaslıq sahələri üzrə ixtisaslaşmış jurnalın bu sayında da Novruz bayramına həsr olunmuş ümumxalq şənliyindən reportaj,maraqlı ekspedisiya materialları, məqalələr, fotoşəkillər öz əksini tapıb.
Tarix elmləri doktoru, professor Tofiq Mustafazadənin və tarix üzrə fəlsəfə dokroru, professor Vidadi Muradovun həmmüəllif olduqları "Azərbaycan "Zeyvə"ləri: yurdlar və xalçalar" silsiləsindən ilk məqalə Şabran rayonunun Zeyvə kəndində aparılan ekspedisiya materiallarını əhatə edib.
Məqalədə bu qədim yaşayış məskəninin tarixindən, abidələrindən, əhalisinin etnik tərkibindən, adət və ənənələrindən, yaxınlıqda yerləşən Kilvar məbədindən, o cümlədən burada inkişaf etmiş sənətkarlıq sahələrindən biri olan xalçaçılıqdan və xalçaçılardan bəhs edilir. Oxucular məqalələrdə xalçanın rəng, yaş, naxış, törəmə, ölçü, forma və s. kimi beynəlxalq kateqoriyalar üzrə müəyyənləşdirilmiş qiymətləndirmə prinsipləri, Azərbaycan xalçalarının bu indeks üzrə dəyərləndirilməsi haqqında məlumat ala biləcəklər.
Jurnalın bu sayında Naxçıvan Muxtar Respublikasının Şahbuz rayonunun Aşağı Qışlaq kəndinin xalçaçılıq ənənələri, Ramana qəsəbəsindəki Sağlamlıq İmkanları Məhdud Gənclərin Peşə-Reabilitasiya Mərkəzində fəaliyyət göstərən xalçaçılıq kursları, Kanada Tekstil Muzeyində qorunan qədim Azərbaycan xalçaları və xalça məmulatları, XIV əsr Təbriz miniatür sənətində dini mövzular haqqında və s. materilallar, müəllif məqalələri yer alıb.
Jurnalın baş redaktoru Azərbaycan Respublikasının Əməkdar incəsənət xadimi, tarix üzrə fəlsəfə doktoru, professor Vidadi Muradovdur.
Sabahın hava proqnozu
Mingəçevirdə 20 yaşlı oğlan bıçaqlandı
Baş prokuror Ağdaşda qəbul keçirəcək
Aprelin 21-də 9 illik baza üzrə buraxılış imtahanı keçiriləcək
.jpg)
