Aksiya zamanı Parlament Jurnalistlər Birliyinin üzvləri, AzərTAc-ın və AQAC-ın əməkdaşları qan veriblər.
Azərbaycan Dövlət Teleqraf Agentliyinin (AzərTAc) təşəbbüsü və Azərbaycan Qızıl Aypara Cəmiyyətinin (AQAC) təşkilatçılığı ilə mayın 7-də B.Ə.Eyvazov adına Elmi-Tədqiqat Hematologiya və Transfuziologiya İnstitutunda könüllü qanvermə aksiyası keçirilib.
Simsar.az AzərTAc-a istinadən xəbər verir ki, aksiya zamanı Parlament Jurnalistlər Birliyinin üzvləri, AzərTAc-ın və AQAC-ın əməkdaşları qan veriblər.
İnstitutun direktoru Azad Hacıyev bildirib ki, hər yerdə olduğu kimi, Azərbaycanda da irsi qan xəstəlikləri geniş yayılıb. Talassemiyalı, onkoloji, böyrək çatışmazlığından əziyyət çəkən xəstələrin, cərrahiyyə əməliyyatı, doğuş zamanı, yol qəzası kimi hallarda donor qanına həmişə ehtiyac var.
AQAC-ın sağlamlıq və qayğı şöbəsinin müdiri Mətanət Qaraxanova aksiyanın Şuşanın işğalı günü ilə əlaqədar keçirildiyini bildirib. Donorluğu böyük savab sayan M.Qaraxanova bütün insanları qan verib xəstələri xilas etməyə çağırıb.
Toplanan qan laboratoriyada yoxlanıldıqdan sonra talassemiyalı və hemofiliyalı xəstələrin müalicəsinə sərf olunacaq.
Türkiyə Milli Suverenlik və Uşaq Bayramı Gününü qeyd edir
Aİ İrana qarşı sanksiyalarını davam etdirir
Xalq yazıçısı Elçin Əfəndiyevin son durumu AÇIQLANDI
Sabahın hava proqnozu
.jpg)
