Aprelin 21-22 tarixlərində Bakıda Heydər Əliyev Mərkəzində “Azərbaycan-Türkiyə qardaşlığı: Çanaqqala 100” mövzusunda beynəlxalq konfrans keçiriləcək.
Bu barədə APA-ya Azərbaycan Milli Elmlər Akademiyası (AMEA) A.Bakıxanov adına Tarix İnstitutunun direktoru, AMEA-nın müxbir üzvü Yaqub Mahmudov məlumat verib.
Y. Mahmudov bildirib ki, konfransda Türkiyədən Atatürk Araşdırma Mərkəzinin başqanı Mehmet Arif Beyhanın başçılığı etdiyi alimlər iştirak edəcək: ““Azərbaycan-Türkiyə qardaşlığı: Çanaqqala 100” beynəlxalq konfransı Heydər Əliyev Mərkəzinin təşkilatçılığı ilə baş tutacaq. Konfransda azərbaycanlı və türkiyəli alimlər məruzə ilə çıxış edəcək. Artıq Türkiyədən qonaqlarımızı dəvət etmişik. Biz tədqiqatçılar heyətindən əlavə, Bakı Dövlət Universiteti, Azərbaycan Diplomatiya Akademiyası, Dövlət İdarəçilik Akademiyası və Azərbaycan Dövlət Pedaqoji Universitetində tarix təhsili alan tələbələri də konfransa toplamağı qarşımıza məqsəd qoymuşuq. Düşünürəm ki, bu konfrans geniş əks-səda doğuracaq. Konfransda çoxsaylı sənədlər təqdim olunacaq. Biz bu konfransa son dərəcə geniş hazırlıq işləri aparırıq”.
Türkiyə Milli Suverenlik və Uşaq Bayramı Gününü qeyd edir
Aİ İrana qarşı sanksiyalarını davam etdirir
Xalq yazıçısı Elçin Əfəndiyevin son durumu AÇIQLANDI
Sabahın hava proqnozu
.jpg)
