ABŞ höküməti Rusiyanın iki bankına aid olan hesablarda ümumilikdə 640 milyon dollar həcmində vəsaiti dondurub.
Simsar.az-ın "Gazeta.Ru"-ya istinadən verdiyi məlumata görə, bu barədə bu gün The Wall Street Journal qəzeti yazıb.
Bildirilir ki, "Rossiya" bankına aid 572 milyon dollarlıq vəsaitlə yanaşı "SPM-Bank"-ın 65 milyonluq hesabına "blok" qoyulub.
Qeyd edək ki, hər iki finans quruluşu ABŞ-ın Ukrayna hadisələri ilə bağlı Rusiyaya qarşı tətbiq etdiyi sanksiyalar siyahısına daxil edilib.