“Mədəniyyət və Turizm Nazirliyi I Avropa Oyunlarına hazırlıqla bağlı paytaxtda fəaliyyət göstərən mehmanxanaların xidmət səviyyəsinin öyrənilməsi və yoxlanılması məqsədilə aprel ayında monitorinq keçirəcək”.
Simsar.az xəbər verir ki, bunu APA-ya açıqlamasında Mədəniyyət və Turizm Nazirliyinin İnformasiya və ictimaiyyətlə əlaqələr şöbəsinin müdiri Vüqar Şixəmmədov deyib.
V. Şıxəmmədov bildirib ki, ötən ilin oktyabr ayında Bakıdakı mehmanxanalarda monitorinq aparılıb: “Mehmanxanalarda xidmət sahəsində çalışanların işinin keyfiyyətinin yaxşılaşdırılması üçün artıq dünəndən etibarən Mingəçevirdə fəaliyyət göstərən mehmanxanalar üçün təlim kurslarına başlanılıb. Bu, Mingəçevir və ətraf rayonlar üçün həyata keçiriləcək. Treninqlər Türkiyənin Mədəniyyət və Turizm Nazirliyindən dəvət olunan mütəxəssislər tərəfindən aparılır. Treninqlərin aprel ayında Bakıda fəaliyyət göstərən mehmanxanaların əməkdaşları üçün aparılması da planlaşdırılır. I Avropa Oyunları keçirilən müddətdə nazirliyin sifarişi ilə hazırlanan və bütün mehmanxanalara paylanılan “Baku Guide” bələdçi kataloqunun xüsusi buraxılışının hazırlanması nəzərdə tutulub. Həm qonaqların qalacaqları mehmanxanalarda, həm də idmançıların yerləşəcəyi şəhərcikdə bu kataloqun yayımı təşkil olunacaq”.
Nazirlik nümayəndəsi əlavə edib ki, oyunlara hazırlıq çərçivəsində Bakıdakı teatrların repertuarı təsdiq olunub: “Avropa Oyunları keçirildiyi müddətdə bəzi teatrlarda ingilis və rus dillərində tamaşaların təqdim olunması planlaşdırılır. Səhnə əsərlərinin tərcüməçi vasitəsilə tamaşaçılara çatdırılması da görüləcək işlərə daxildir. Eyni zamanda Bakıda fəaliyyət göstərən muzeylərin və tarixi abidələrin iş saatlarının artırılması da planda var. Nazirlik daxili turizmlə məşğul olan şirkətlərə tövsiyə edib ki, yeni turizm marşrutları təşkil etsinlər, xidmət səviyyəsinin yaxşılaşdırılması üçün addımlar atsınlar”.
Sabahın hava proqnozu
Mingəçevirdə 20 yaşlı oğlan bıçaqlandı
Baş prokuror Ağdaşda qəbul keçirəcək
Aprelin 21-də 9 illik baza üzrə buraxılış imtahanı keçiriləcək
.jpg)
