“Mən Türkiyənin xarici işlər naziri kimi, həm də Azərbaycan üçün eyni vəzifəni qürurla aparacam. Bu vəzifəyə təyin olunanda da mən bunu bildirmişəm”.
Simsar.az-ın məlumatına görə, bu sözləri Türkiyənin xarici işlər naziri Mövlud Çavuşoğlu AzTV-də yayımlanan "Günün nəbzi" verilişinin qonağı olarkən bildirib. Türkiyəli nazir deyib ki, Azərbaycan və Türkiyə hər zaman bir-birinə yaxından dəstək olurlar: “Mən daha öncə də daşıdığım vəzifələrdə, o cümlədən Avropa Şurasında Azərbaycan və Türkiyənin maraqlarını əsas götürmüşəm, bu istiqamətdə çalışmışam. Prezident Rəcəb Tayyib Ərdoğan və baş nazir Əhməd Davudoğlunun bizə təlimatı da bu cürdür. Bu cür yanaşma təkcə məndə deyil, hər birimiz də olur. Bizim Azərbaycandan olan həmkarlarımızda və dostlarımızda da var. Xüsusilə də 2015-ci ildə qondarma erməni soyqırımı ilə bağlı Türkiyə-Azərbaycan əməkdaşlığı uğura davam edir. Yəni, bu həm də bir zərurətdir. Mən xarici işlər naziri vəzifəsinə təyin olunandan sonra dostum Elmar Məmmədyarova dedim ki, mən yeni təyin olundum, sən yorulmusan, get bir az tətilə dincəl. İndi bunu zarafatla desək də, ancaq gerçəkdən də bu belədir”.
Aybəniz Haşımova Fidan Hacıyevanı təbrik etdi
Sabah 31 dərəcə isti olacaq - PROQNOZ
Azərbaycan və Qırğızıstan prezidentlərinin məhdud tərkibdə görüşü başlayıb
Türkiyə Milli Suverenlik və Uşaq Bayramı Gününü qeyd edir
.jpg)
