"Bu ölkənin tələblərinə digər sahilyanı dövlətlər razılaşmadığından Xəzərin hüquqi statusu həll edilməmiş qalır”
Nə İran, nə də Türkmənistan Xəzərin hüquqi statusu haqqında Konvensiyanın qəbul edilməsinə hələ ki, hazır deyillər, - bunu SalamNews-a açıqlamasında Xəzər məsələləri üzrə siyasi ekspert Rüstəm Məmmədov bildirib.
Hazırda İran və Türkmənistanın diplomatik addımlar atdığını deyən Rüstəm Məmmədov qeyd edib ki, Xəzərin hüququ statusunun müyyənləşdirilməsi ilə bağlı pay bölgüsü bu ölkələri qane etmir.
O, Bakıda Xəzər dənizinin hüquqi statusunun müəyyənləşdirilməsinə dair konvensiyasının müzakirə edilməsi məqsədilə xüsusi işçi qrupun iclasında tərəflərin səsləndirdiyi nikbin fikirlərin problemin çözümünə kömək etmədiyini söyləyib: “Mən bu məsələ ilə əlaqədar nikbin bəyanatları 1993-cü ildən bəri eşidirəm”.
Politoloq deyib ki, bu cür qeyri-müəyyənlik İran və Türkmənistanı razı salır: “İranın mövqeyi Xəzərin statusu ilə bağlı məsələlərə maneə yaratmaqdır. Türkmənistan isə İranın etdiklərini təkrarlayır. İnanmıram ki, İran tezliklə öz mövqeyindən dönsün. Çünki Tehranı qane etməyən bir çox məsələlər var. O, istəmir ki, Xəzəryanı ölkələrin dəniz sularında xarici şirkətlər olsun, istəmir ki, Qazaxıstan, Azərbaycan və Türkmənistan Xəzər dənizinin təbii resurslarından faydalansın. İran Xəzər dənizində ona payına düşən hissənin az olduğunu iddia edir. Bu ölkənin tələblərinə digər sahilyanı dövlətlər razılaşmadığından Xəzərin hüquqi statusu həll edilməmiş qalır”.
Rüstəm Məmmədov bu ilin sonunda Xəzəryanı ölkələrin dövlət başçılarının Moskvada keçiriləcək 4-cü sammitinə qədər Xəzərin statusu ilə bağlı məsələnin həllini tapacağına inanmadığını söyləyib: “Tərəflər Moskvada keçiriləcək sammitə qədər öz aralarında müəyyən bir qənaətə gəlməlidirlər. Bunun üçün isə müvafiq situasiya lazımdır ki, o da hələ mövcud deyil”.
Sabahın hava proqnozu
Mingəçevirdə 20 yaşlı oğlan bıçaqlandı
Baş prokuror Ağdaşda qəbul keçirəcək
Aprelin 21-də 9 illik baza üzrə buraxılış imtahanı keçiriləcək
.jpg)
