Desant və snayper kursları açılır
Erməni işğalçılarının Azərbaycan torpaqlarını 20 ildir işğalda saxlaması sonda ikinci Qarabağ müharibəsininin başlanmasına səbəb ola bilər.
Azərbaycan rəsmləri ən yüksək səviyyədə səsləndirdikləri bəyanatlarla bu fakta dəfələrlə diqqət çəkiblər. Prezident İlham Əliyev dəfələrlə bildirib ki, ordu düşməni torpaqlarımızdan çıxarmaq üçün tam hazırlıq vəziyyətindədir.
Ordunun təhcizat prosesində sürətləndirilmə və keyfiyyət üstünlüyü, əsgərlərin hərbi hazırlığı ilə bağlı tədbirlər barədə KİV demək olar hər gün xəbərlər yayır. Belə xəbərlərdən birini
Könüllü Hərbi Vətənpərvərlik Texniki İdman Cəmiyyətinin (KHVTİC) Respublika Şurasının sədri, general-mayor Novruzəli Orucov verib.
“Trend”ə danışan general yeni desant kurslarının açılacağı xəbərini verib. Onun sözlərinə görə, yeniyetmələrə bir neçə istiqamətdə nəzəri hazırlıq, paraşütdən tullanma, əlbayaxa döyüş və silah atıcılığı təlimləri keçiləcək.
Orucov hesab edir ki, paraşütdən tullanma ilə məşğul olacaq yeniyetmələrdə qorxu hissi tamamilə aradan qalxacaq: "Paraşütdən tullanma elə bir psixoloji baryerdir ki, həmin baryeri keçə bilən gəncin nə döyüş zamanı, nə də digər vaxtlarda qorxu hissi olmur. Ona görə də biz paraşütdən tullanma təlimlərinə xüsusi önəm veririk".
Bundan əvvəl KHVTİC-in nəzdində snayper kursları da fəaliyyətə başlayıb.
Anar
Aprelin 21-də 9 illik baza üzrə buraxılış imtahanı keçiriləcək
Ağcabədi rayonunun 110 min manatlıq yolu... FOTO
“WhatsApp”da yeni funksiya var
Azərbaycan baleti İtaliya səhnəsində
.jpg)
