“Bu vaxta qədər təxminən 1 mlrd ton neft hasil etmişik, təxminən bir bu qədər də qurudakı yataqlarda neft ehtiyatımız var”.
Bunu Azərbaycan Respublikası Dövlət Neft Şirkətinin (ARDNŞ) vitse-prezidenti Xoşbəxt Yusifzadə Alimlərin birinci Qurultayındakı çıxışı zamanı deyib.
Onun sözlərinə görə, hazırda quru sahələrdə olan həmin yataqlardan nefti hasil etmək mümkün deyil. Çünki texnologiya buna imkan vermir: “İnanıram ki, AMEA-nın alimləri bu sahədə inkişafa şərait yaradacaq işlər görəcəklər”.
Müasir texnologiyaların neft çıxarılmasında tətbiqinə toxunan X. Yusifzadə bu sahədə yeni imkanlardan istifadə etdiklərini də deyib: “Nanotexnologiyaları tam başa düşməsək də, ondan istifadə etməliyik. Neft sənayesində də nanotexnologiyanı yaxşı tətbiq edirik. Bu işləri daha da genişləndirməliyik. Bu yaxınlarda təsadüfən qaz-kondensat yataqları kəşf etdik. Bu yataqlar 6-7 min dərinlikdə yerləşir. Lakin neftin yığılması üçün belə şərait yoxdur”.
Vitse-prezidentin sözlərinə görə, Şahdəniz qaz kondensat yatağında 1 trilyon kub-metr qaz ehtiyatı, 240 milyon ton qaz-neft kondensatı var: “Təmiz neft yataqlarının kəşvi mütləq lazımdır. Bunun üçün dənizdə imkan yoxdursa, quruya qayıtmalıyıq. Sovet dövründə bəzi yerlərdə yaxşı neft çıxarılırdı. Amma bu gün sənaye miqyasında oradan neft almamışıq. Texnikanın inkişafı ilə bu məsələlərə özümüz fikir verməliyik”.
Aysel Kərimova
Elmira Süleymanova vəfat etdi
Aybəniz Haşımova Fidan Hacıyevanı təbrik etdi
Sabah 31 dərəcə isti olacaq - PROQNOZ
Azərbaycan və Qırğızıstan prezidentlərinin məhdud tərkibdə görüşü başlayıb
.jpg)
