“Havaların soyuq keçməsi ilə əlaqədar Bakıda dəm qazından zəhərlənənlərin sayı artıb”.
Bunu Simsar.az-a açıqlamasında Bakı şəhər Təcili və Təxirəsalınmaz Tibbi Yardım Stansiyasının baş həkiminin müavini Oqtay Şahmalıyev deyib.
O bildirib ki, havaların soyumasından sonra gün ərzində 3-4 nəfər dəm qazından zəhərlənmə ilə təcili tibbi yardıma müraciət edib. Noyabrda quruma orta hesabla 60-70 müraciət daxil olub: “Vətəndaşlar maksimum dərəcədə ehtiyatlı olmalıdırlar. Dəm qazından zəhərlənmə hiss etdikdə təcili yardım çağırılmalıdır. Dəm qazından zəhərlənən şəxs təmiz havaya çıxarılmalıdır”.
Aysel Kərimova