Bağla
Mən artıq bəyənmişəm!
solbanner
    
Simsar.az | bizi özünüzə Simsar bilinazem.az Tutu dieta

Şirməmməd Nəzərlinin foto portretlər sərgisi açılacaq – FOTOLAR

Azərbaycan Rəssamlar İttifaqının (ARİ) V.Səmədova adına sərgi salonunda Azərbaycan Yazıçılar, Fotoqraflar və Jurnalistlər birliklərinin üzvü Şirməmməd Nəzərlinin "Azərbaycan rəssamlarının foto portretləri" sərgisi açılacaq.

Simsar.az xəbər verir ki, dekabrın 3-də keçiriləcək sərgidə ARİ tarixində ilk dəfə olaraq respublikanın tanınmış rəssam, heykəltəraş və sənətşünaslarının portretləri nümayiş olunacaq.

ARİ-nin yaxından dəstək göstərdiyi sərgidən məqsəd yaradıcı insanlara diqqət göstərmək, onların bir-biriləri ilə növbəti dəfə təmasda olmaları üçün şərait yaratmaq, foto sənəti ilə rəssam yaradıcılığının yaxınlığı mövzusunda mülahizələr yürütməyə şərait yaratmaqdır.

"Azərbaycan rəssamlarının foto portretləri" layihəsi fotoqraf Ş.Nəzərliyə məxsusdur və burada iştirak könüllülük prinsipi ilə aparılıb. Beləliklə, sərgi üçün 55 sənətkarın portreti hazırlanıb.

Şirməmməd Nəzərli 1977-ci ildə ADU-nun (indiki BDU) jurnalistika fakültəsini bitirib. Azərbaycan Dövlət Teleradio şirkətində, Jurnalistlər Birliyinin İdarə Heyətində işləyib. Beynəlxalq "İRS" jurnalının təsisçisi və baş redaktoru olub. HUMAY mükafatı laureatıdır. Mədəniyyət və Turizm Nazirliyinin "Ən yaxşı pyes" respublika (2012), "LUÇ" ədəbi birliyinin "Ən yaxşı hekayə" (rus dilində) beynəlxalq müsabiqələrinin (2013) qaliblərindəndir.

Bədii və publisistik əsərlərdən ibarət 10 kitab müəllifidir. Onun pyesləri Bakı teatrlarının səhnəsində və Sumqayıt Teatrında tamaşaya qoyulub. Pyesi əsasında radio tamaşası hazırlanıb.

Şirməmməd Nəsərli üç yaradıcılıq birliyinin üzvü olaraq iki ildə bir dəfə öz təşəbbüsü əsasında yeni kitab, sərgi və jurnalist materialları ilə hesabat verir

Hüseyn İbadlı






27 Noyabr, 2014  10:55 Baxılıb: 1355 Çap

Bu bölmədə


XƏBƏR LENTİ


16 Mart, 2024  15:23










21 Fevral, 2024  14:10

20 Fevral, 2024  16:43






31 Yanvar, 2024  16:58



24 Yanvar, 2024  13:15


22 Yanvar, 2024  14:42


17 Yanvar, 2024  14:18



12 Yanvar, 2024  15:27


12 Yanvar, 2024  14:14






10 Yanvar, 2024  13:27













sagbanner