Azərbaycan Milli Elmlər Akademiyası Botanika İnstitutu isveçrəli həmkarları ilə birgə ekspedisiya keçirib.
İnstitutun elmi informasiya və innovasiya şöbəsindən Simsar.az-a verilən məlumata görə, AMEA Botanika İnstitutu və İsveçrənin Fribourg Universiteti ilə əməkdaşlıq və həyata keçirilən müştərək layihə çərçivəsində Mərkəzi Nəbatat Bağının gənc mütəxəssisləri Rəşad Səlimov və Fərid Seyfullayev Fribourg Universitetinin əməkdaşları Sebastiyan Betrisey və Daniel Ducryilə birlikdə Lənkəran-Astara zonasında beynəlxalq ekspedisiyada iştirak ediblər.
Ekspedisiya müddətində İnstitutun əməkdaşı Hacıağa Səfərovla birlikdə onlar bu zonada Lənkəran, Lerik və Astara inzibati rayonlarının müxtəlif hündürlüklərində yerləşən qarışıq tipli azad meşələrində müasir metodlar tətbiq edilərək tədqiqatlar aparıb, ərazilərdə meşə ekosisteminin fitososioloji quruluşu, say və assosiasiya tərkibini öyrəniblər.
Simsar.az