“Partiya daxili məsələlərin bu dərəcədə gərginləşməsinin arxasında İsa Qəmbər dayanmır”.
Bunu Simsar.az-a Müsavat Partiya başqanlığına keçmiş namizəd Tural Abbaslı İsa Qəmbərin son çıxışına münasibət bildirərkən deyib.
T. Abbaslının sözlərinə görə, İsa Qəmbərin seçilmiş rəhbəri dəstəkləməsi və onun mövqeyindən çıxış etməsi təbii haldır. Amma o, istənilən halda çəkişmənin arxasında sabiq başqanın dayandığını düşünmür: “İsa bəy dünən çıxış edəndə fraksiyanın əleyhinə olduğunu dedi. Lakin fraksiyanın nizamnamənin əleyhinə olmadığını vurğuladı. O, dünən bildirdi ki, mövqeyini tam açıqlamayıb, əsas fikirlərini bildirməyib. Zamanı çatanda deyəcək… Mən, onun mövqeyini və səslədirəcəyi fikirləri gözləyirəm. Çünki bu mənim üçün olduqca maraqlıdır”.
Qubad İbadoğluyla ayaqüstü söhbət etdiklərini deyən sabiq namizəd bildirib: “Qubad bəyin öz fikirləri var. Mən nə onun, nə də Arif Hacılının tərəfdarı deyiləm. Hələ ki, Qubad bəylə fraksiya məsələsində müttəfiqik. Amma partiya daxili məsələrə yanaşmada fikir ayrılığımız var”.
Onun sözlərinə görə, müşavirədən sonra oturub müttəfiqi ilə birlikdə müzakirə aparmayıblar: “Salamatçılıq olsun, 3-cü və ya 4-cü gün Qubad bəylə ciddi görüş keçirəcəyik”.
Hüseyn İbadlı
Aybəniz Haşımova Fidan Hacıyevanı təbrik etdi
Sabah 31 dərəcə isti olacaq - PROQNOZ
Azərbaycan və Qırğızıstan prezidentlərinin məhdud tərkibdə görüşü başlayıb
Türkiyə Milli Suverenlik və Uşaq Bayramı Gününü qeyd edir
.jpg)
