Radiasiya Problemləri İnstitutunun direktoru: “Nüvə enerjisindən istifadə hər bir ölkənin suveren hüququdur"
Atom Enerjisi üzrə Beynəlxalq Agentliyin ekspert qrupu Ermənistandakı Metsamor Atom Elektrik Stansiyasında (AES) ekspertiza aparmaq məqsədilə mayın 14-də həmin ölkəyə səfər edəcəklər.
Bunu APA-ya Azərbaycan Milli Elmlər Akademiyasının Radiasiya Problemləri İnstitutunun direktoru Adil Qəribov deyib. Onun sözlərinə görə, bu ekspertiza stansiyanın iş rejimi ilə tanışlıq məqsədi daşıyacaq.
Belə ekspertizaların 4-5 ildən bir keçirildiyini deyən institut direktoru onun nəticələrindən asılı olaraq, stansiya ilə bağlı Azərbaycanı qane edəcək hər hansı addımın atılacağına ümid etmədiyini də söyləyib: “Nüvə enerjisindən istifadə hər bir ölkənin suveren hüququdur. Amma biz təklif edirik ki, bu məsələyə yenidən baxılsın. Baş verə biləcək qəza nəticəsində qonşu ölkələrə zərərin hansı formada dəyə biləcəyini müəyyənləşdirmək üçün ilk növbədə nüvə reaktorlarının ətraf mühitə təsiri faktı öyrənilməlidir. Zərərin təsirini görə biləcək qonşu ölkələrin razılığı olmaq şərti ilə isə atom elektrik qurğuları tikilməlidir”.
A. Qəribov deyib ki, hazırda dünyada 150-160 milyard ton neft, 160 trilyon kubmetr qaz ehtiyatı var: “Biz ildə 3,5-3,2 milyard ton neft, 3 milyard kubmetrə yaxın qaz istehsal edirik. Yəqin ki, Azərbaycanda da təxminən 50 ildən sonra atom enerjisindən istifadəyə ehtiyac yaranacaq”.
Seymur İsayev jurnalistləri təbrik etdi
Səyyad Aran və Siyavuş Heydərov vəzifədən azad edildi
Adil Əliyev icra başçısı təyin edildi
Aybəniz Haşımova Emin Əmrullayevə təşəkkür etdi
.jpg)
