2011-ci il, 23 oktyabr tarixində baş vermiş 7,2 bal gücündəki zəlzələ Türkiyənin Van vilayətini sükuta qərq etmişdi
Simsar.az xəbər verir ki, 23 Oktyabr 2011-ci ildə Türkiyənin Van vilayətində baş vermiş 7,2 ballıq zəlzələdən 3 il ötür. 26 saniyə davam edən zəlzələ nəticəsində şəhər mərkəzi və bir çox kənd dağıntılara məruz qalmış zəlzələ sonrası dağıntıya dönən binalarda sanki can bazarı yaşanmışdı.
Zəlzələdən dərhal sonra bütün ölkənin vanlılar üçün səfərbər olduğu saatlarda o vaxtki Baş nazir Rəcəb Tayyib Ərdoğan başda olmaqla bir çox siyasətçi və qeyri-hökumət təşkilatı işçiləri şəhərə gəldi.
Günlərlə davam edən xilasetmə işlərində 604 adamın cəsədi dağıntılar arasından çıxarıldı. Zəlzələdən sağ qalan minlərlə yaralı, təcili yardım təyyarə və vertolyotlarla xəstəxanalara çatdırıldı.
İkinci zəlzələ
Zəlzələdən 13 gün sonra Qurban Bayramının 4-cü günü 9 noyabrda 5,6 bal gücündə ikinci zəlzələ daha bir dəfə də Vanı sarsıtdı.
Həyatın normala döndüyü bir vaxtda Vanda daha çox məhvə yol açan zəlzələdən sonra yenidən xilasetmə işləri başladıldı və ikinci köç dalğası yaşandı.
Vəzifə başında olan jurnalistlər də dağıntılar altında qaldı
Zəlzələylə bağlı mediaya informasiya ötürən jurnalistlər, Sebahattin Yılmaz və Cem Emir, həmçinin içərisində yaponiyalı könüllü Asutshi Miyazakinin də olduğu 40 nəfər həyatını itirdi. Zəlzələdən sonra böyük çaxnaşma yaşayan vanlılar ölkənin dörd bir yanında çadır şəhərciklərində yerləşdirildi.
Şəhərin qaranlığa və səssizliyə qərq olmuş qış günlərində boş dayanmayan səlahiyyətlilər zəlzələ altında qalanlar üçün inşa ediləcək yaşayış binalarının istehsalını başlatdılar. Çadır şəhərlərində həyat mübarizəsi verən ailələri yanvar ayından etibarən konteyner şəhərlərə yerləşdirdilər.
Simsar.az
Türkiyə Milli Suverenlik və Uşaq Bayramı Gününü qeyd edir
Aİ İrana qarşı sanksiyalarını davam etdirir
Xalq yazıçısı Elçin Əfəndiyevin son durumu AÇIQLANDI
Sabahın hava proqnozu
.jpg)
