Tünzalə Ağayevadan möhtəşəm doğum günü sürprizi - VİDEO - FOTOLAR
Simsar.az xəbər verir ki, 21 oktyabrda ad gününü qeyd etmiş əməkdar artist Tünzalə Ağayeva, özəl bayramını bir neçə saat bundan əvvəl ən yaxın dostlarının əhatəsində təkrar keçirib.
Bayraq Meydanında fəaliyyət göstərən restoranda təşkil olunmuş tədbir tanınmış şoumen Nəsib Nurun aparıcılığı ilə yadda qaldı.
Tünzalə, sözləri millət vəkili Qənirə Paşayevaya, musiqisi özünə məxsus olan "Gözləyirəm" adlı hitinə çəkilmiş ekran işinə ilk tanıtımı da bu tədbirdə etdi.
GoPro kamerası ilə çəkilmiş klipdə müğənni özünü rejissor kimi sınasa da montaj etməyi bu sənətin peşəkarı Ülviyyə Könül öz üzərinə götürüb.
Dost məclisi iki hissəyə bölünmüşdü, yazsaq daha düzgün səslənər.
Öncə xanım Ağayeva "Hicaz" instrumental ansamblının müşayiəti ilə qonaqlarını canlı ifası ilə feyziyab etdi, ardınca da pozitiv ab-hava yaşadan klip nümayiş olundu.
Gözlərindən sevinc yağan müğənni, ona hər zaman diqqət yetirən əzizlərinə bu sözlərlə səsləndi: "13 ildir səhnədəyəm. Hər zaman sizin sevgini hiss etmişəm. Yaxşı ki, həyatımda sizin kimi dostlarım, doğmalarım var. Siz mənim üçün çox dəyərlisiniz".
İllərdir Tünzalənin etibarlı prodüseri çalışan Yalçın Cabbarovun təşkil etdiyi bu xoş günə bir çox məşhur simalar - modelyer Gülnarə Xəlilova, teleaparıcılar - Rövşanə Bektaşı, Aytən Səfərova, Xədicə Sənanqızı, Rüfət Ağayev, şairə - Mələk Xəlil, bəstəkarlar - Murad Arif, İsa Məlikov, müğənni Azad Şabanov və başqaları təşrif buyurmuşdular.
Simsar.az sürprizlərdən bol olan təqdimatdan çəkilmiş fotoları və bəhs etdiyimiz klipi oxucuları üçün yayımlayır.
Sabahın hava proqnozu
Mingəçevirdə 20 yaşlı oğlan bıçaqlandı
Baş prokuror Ağdaşda qəbul keçirəcək
Aprelin 21-də 9 illik baza üzrə buraxılış imtahanı keçiriləcək
.jpg)
