«İnflyasiyanı birrəqəmli səviyyədə saxlamaq üçün çevik məzənnə siyasəti aparırıq"
Azərbaycanda ABŞ dollarının rəsmi məzənnəsinin aşağı düşməsinin obyektiv bazar əsasları var.
Bu barədə “APA-ECONOMICS”ə Azərbaycan Mərkəzi Bankının sədr müavini Aftandil Babayev bildirib.
Onun sözlərinə görə, tədiyyə balansının yüksək profisitliyi şəraitində valyuta bazarında dolların təklifi əhəmiyyətli dərəcədə artıb: «Biz də pul siyasətində qoyulan hədəflərə uyğun olaraq inflyasiyanı birrəqəmli səviyyədə saxlamaq üçün çevik məzənnə siyasəti aparırıq. Bundan başqa, dünya bazarında gedən proseslərin də dolların məzənnəsinə təsiri var. Nəticədə manatın dollar qarşısında möhkəmlənməsi təbiidir. Vəziyyətə nəzarət imkanlarımız kifayət qədərdir. Həm makroiqtisadi sabitliyi, həm də digər amilləri nəzərə alaraq proseslərə təsir etmək imkanlarımız var».
ABŞ dollarının məzənnəsinin hansı səviyyəyə qədər enə biləcəyini açıqlamayan A.Babayev bildirib ki, dünya bazarlarındakı kəskin dəyişkənlik Azərbaycanda baş verməyəcək. O, Azərbaycanda bu yaxınlara qədər inflyasiyanın yüksək olmasını əsasən dünyada ərzağının bahalaşması ilə izah edib: «Son vaxtlar dünya ərzaq bazarında qiymətlər sabitləşməyə başlayıb. Bu il Azərbaycanda inflyasiyanın birrəqəmli səviyyəni keçməyəcəyi proqnozlaşdırılır və ümid edirəm ki, buna nail olacağıq. Bir şərtlə ki, dünya bazarında idxal malları xüsusi bahalaşmasın. Amma biz buna da təsir etməyə çalışacağıq. Dövlət başçısının tapşırığı ilə həyata keçirilən antiinhisar tədbirləri də bu sahəyə təsir edə bilər. Bununla belə, əsas amil tələb və təklifdir».
Aybəniz Haşımova Fidan Hacıyevanı təbrik etdi
Sabah 31 dərəcə isti olacaq - PROQNOZ
Azərbaycan və Qırğızıstan prezidentlərinin məhdud tərkibdə görüşü başlayıb
Türkiyə Milli Suverenlik və Uşaq Bayramı Gününü qeyd edir
.jpg)
