ABŞ-da ilk dəfə Ebola ilə xəstələnmə halı qeydə alınıb
Simsar.az xəbər verir ki, Texas ştatındakı xəstəxana rəsmiləri adının məxfi saxlanıldığı şəxsin təcrid edilmiş palataya yerləşdirildiyini bildiriblər.
Güman edilir ki, xəstə virusa ABŞ-a səyahət etməkdən təqribən iki həftə əvvəl yoluxub.
Ümumdünya Səhiyyə Təşkilatına əsasən Qərbi Afrikada Ebola xəstəliyindən 3,000-dən artıq adam ölüb.
Qərbi Afrikada vurusa yoluxub xəstələnən şəxslər əvvəllər də Amerikaya gəlib. Lakin bu, virus daşıyıcısının ABŞ-a gəldikdən sonra xəstəliyə tutulmasının ilk halıdır.
Xəstəliklərə nəzarət üzrə ABŞ mərkəzinin direktoru Tomas Frieden bildirib ki, 19 sentyabrda Amerikaya gələn şəxsdə xəstəliyin simptomları özünü 25 sentyabrda göstərməyə başlayıb.
İlkin məlumata görə, xəstə kritik vəziyyətdədir.
Onun Liberiyada olarkən Ebolaya yoluxan xəstələrin müalicəsində iştirak etmədiyi bildirilir.
Səhiyyə rəsmiləri xəstənin təmasda olduğu şəxslərin kimliyini müəyyən etməyə çalışırlar.
Tomas Frieden xəstənin ailə üzvlərindən birində Ebola qızdırmasının inkişaf edəcəyini istisna etməyib.
Qeyd edək ki, Ebola virusu qan və selik kimi bədən mayeləri vasitəsilə yayılır.
Çərşənbə günü Nigeriya və Seneqalda yeni yoluxma halları qeydə alınmayıb.
Elmira Süleymanova vəfat etdi
Aybəniz Haşımova Fidan Hacıyevanı təbrik etdi
Sabah 31 dərəcə isti olacaq - PROQNOZ
Azərbaycan və Qırğızıstan prezidentlərinin məhdud tərkibdə görüşü başlayıb
.jpg)
